الناس مظاهر فيه اللى مكنون
فى الصدور وفيه اللى ظاهر
اياك تغرك تعابير الوشوش ولا
الكلام المعسول ولا المناظر
وقبل ما تحكم على شئ اعرف
مخبره قبل مظهره وحاذر
وخلي بالك من اللى يقابلك
بالاحضان وهو بالشر لك ضامر
حلو اللسان شين الخصال سىئ
المخبر لكن بالحب يتظاهر
وفيه فقير لكن عزيز النفس
عفيف اليد وقلبه بالرضا عامر
وفى غنى مهما اغتنى لابيشبع
ولا بيقنع ولا حامد ولاشاكر
واياك فى يوم تنساب أو تصاحب
محدث النعمه وتعاشر
لما بتناسب اعرف انك بتختار
اخوال وجدود لاولادك حاذر
حلو الجمال لكن الاجمل الطبع
بنت الاصول احلى وتتعاشر
الطبع غلاب عمره فى يوم ميتغير
اياك تخدع نفسك وتغامر
ضحك الوشوش مش معناه فرح
ربك وحده بالنفوس خابر
وحط نفسك مكان الناس قبل
الحكم عليهم لاجل تكون عاذر
دنيا غروره الناس فيها بتتلون
فيها الجميع بيمثل ويتظاهر
الشاعر/ عبد المنعم حمدي رضوان
تعليقات